17
May
1

Nie te lank gelede nie was daar ’n plaasseun in die Klein Karoo met sterre in sy oë en musiek in sy hart. In die klein dorpie waarin hy gewoon het, was die bronne wat hy benodig het maar skaars; hy moes twee jaar lank vir ’n klavieronderwyseres wag. Boonop was daar geen musiekinstrumente in die huis nie. Dit het hom egter nie gestuit nie, want sy droom was groot en sy deursettingsvermoë onkeerbaar. Hy’t ’n plan gemaak deur ’n ry A3-papiere aanmekaar te plak, die klavier se note op skaal daarop af te teken en sy stem as plaasvervanger vir hamer teen snaar te gebruik. Vandag is daardie seun die talentvolle Tobi Jooste – suksesvolle sanger, model, TV-aanbieder, sakeman en skrywer – en sy sesde album, ’n Man se Hart, is pas uitgereik.
Net toe ons dink hy’t genoeg op sy kerfstok, reik hy vroeg in 2016 sy eerste DVD uit en sy boek, Daar is ‘n Eiffeltoring in sy boedel se eerste druk verkoop landwyd uit en hy kry die 4e plek vir Beste Afrikaanse Verkoper landwyd. Meer as 10 000 kopië verkoop en boekwinkels raap tans die tweede druk op!
Néé, Tobi gaan nie nou begin Gospelmusiek sing nie. Hierdie DVD se oorsprong lê dieper as dit. Na tien jaar in die musiekbedryf wou hy sy dankbaarheid vir sy talent en die voorreg om sy droom te kan lééf betoon deur sy nuutste vrystelling, DIE KATEDRAAL.

Die droom vir hierdie DVD het jare terug ontstaan ná ‘n spesiale ervaring in ‘n katedraal in Wenen, Oostenryk.

Hierdie DVD / CD is opgeneem deur die bekende Alli Heyns en Wildcam studios in ‘n regte katedraal met viole, cello, saksofoon, harmonica, kerkorrel (gespeel deur Martin Lane) en nog vele ander instrumente.
17 snitte van ou, vergete Hallelujas tot meer moderne verwerkings van Mozart met lirieke deur Lize Beekman. Terwyl jy luister na roerende liedere soos NADER MY GOD BY U, toon daar die mooiste beeldmateriaal van katedrale van reg oor die wêreld.
Tobi Jooste het weereens bewys hoekom mense sê hy is in ‘n klas van sy eie.
Vind meer uit oor daardie katedraal-ervaring en die storie hoe die dood van sy geliefde Oupa en Ouma hom onder die Eiffeltoring gebring het en hoe sy droom om ander op te lig met sy boek, eie genesing gebring het.
CLICK HIER vir die promosievideo: https://www.youtube.com/watch?v=zr8rPPEK_Ao

Learn more ...

21
Nov
1

View my website

GEBORE: Harrismith as predikant seun.

MATRIKULEER: Potchefstroom Gimnasium H/S  Potchefstroom in 1967.

STUDEER: RAU en PU vir CHO en Universiteit Stellenboch.

Bekwaam hom eers as onderwyser daarna as predikant.

GEMEENTE: NG Helderberg Somerset-Wes

GETROUD: met Jeanette onderwyseres uit Namibie

KINDERS: Petri, Jacomien en Arnold

Sedert 1983 is hy voltyds besig met musiek en sangbediening. Wenner van 2 Sarie-toekennings vir die beste komposisie van die jaar 1975 “Ek verlang na jou” en 1976 “Sonder jou”

Tientalle komposisies deur bekende kunstenaars opgeneem. Neem gereeld deel aan radioprogramme en TV uitsendings. Bied op Radio Orion n weeklikse program van eietydse geestelike musiek aan (1989-1991) Tree ook as aanbieder  in n  TV. Program op SABC 2 :Soeklig” op.

Tree landwyd en oorsee met geestelike konserte op.

Wenner van verskeie nasionale musiektoekennings vir gospelproduksies (SARIE, LIER en SAMA)

KINDERPRODUKSIES: LOFLAAITIES en LOFKLEUTERS waarvan n aantal goue status verwerf het.. Sowel as LIEDBOEK vir KINDERS. Stigterslid van Sagma en Christian Artists  SA en neem leierposisie in onder gospelkunstenaars in SA.

Reeds 46 musiekalbums vrygestel

Skrywer en of medeskrywer van n aantal boeke o.a. “Wat sal Jesus doen” wat in 1999 die nasionale toekenning gewen het.

SPORTBELANGSTELLINGS: Het reeds verskeie marathonne   en ander wedlope o.a. 10 Comrades Marathonne oor 90 kilometer suksesvol voltooi.

Lofkleuter DVD 1 – goud  verkoop
Lofkleuter DVD 2 – Platinum verkoop
Lofkleuter DVD 3  so pas uitgekom
Lofkleuter DVD 4  so pas uitgekom

Learn more ...

21
Nov
1

Met sy nuwe album, Stuur My, deel Dewald Gouws nie net sy hart met gemeentes van alle denominasies nie, maar ook met elke man in die straat.

Stuur My, kom op aanvraag van sy aanhangers, na die impak van sy laaste vrystelling, Verhaal van Glorie. Stuur My bestaan uit 17 snitte, waarvan 8 oorspronklike liedjies isgeskryf deur onderskeidelik Dewald, Carle van Deventer en Marnus Bergh.

Die titelsnit van die album vloei uit Dewald se verhouding met God en word beste verwoord deur Jes 6:8:
“Daarop hoor ek die stem van die Here wat sê: Wie sal ek stuur? En wie sal vir ons gaan? Toe antwoord ek: Hier is ek, Stuur My.”

Sy nederige en eerlike aanslag met Verhaal van Glorie, het toegelaat dat gemeentes regoor die land hul platforms vir Dewald oopstel om sy hart met hulle te deel. Die Mighty Men beweging gebruik hom dan ook dikwels by hul saamtrekke waar die mans in eenheid saamkom om eerlik en oop voor God te staan. Dewald se eerlike aanslag spreek duidelik tot
die harte van hierdie mans.

Met Stuur My, het Dewald iets besonders gedoen. Daar is 20 nuwe lofprysing en aanbiddings musiekvideos ingesluit. Die lirieke van hierdie musiekvideos word aangetoon en is spesifiek vir alle gemeentes, selgroepe, kerkkampe, manne en vroue kampe, maar ook vir intieme, stil word oomblikke vir elke individu bedoel. Lekker saamsing geleenthede wanneer daar nie instrumente beskikbaar is nie.

Met sy mooi gemoduleerde tenoorstem, is “Ware Liefde” nog ‘n nuwe lied wat Dewald hoop ‘n groot impak sal maak.

Wanneer hy nie musiek maak nie, is Dewald ‘n ware gesinsman. Sy lewe draai om sy vrou, Nesta, en hul kinders, Denrique en Chenesse. Dewald sê: ”God het die gesin ingestel sodat ons as mens Hom beter as ‘n Vader kan verstaan, waar ons inpas en ook hoe om te leer om met ander oor die weg te kom.”

“Ek staan dikwels verstom as ek sien hoe verskillend en tog ook uniek my eie kinders is, en ek glo ook dis hoe God na ons kyk. Almal perfek gemaak na Sy beeld, uniek en tog baie verskillend. Onthou dit maar gerus die volgende keer as jy na iemand kyk met afguns, wraak of hoogmoed. Jesus het daardie mens net so lief gehad en ook vir sy sonde betaal – en jy sal verbaas wees hoe die persoon se beeld in jou eie oë verander,” voeg Dewald by.

Dewald hoop om met Stuur My, ‘n ontvanklikheid in mense se harte te skep sodat die Gees van God die oortuigingswerk kan doen.

Stuur My sal in April 2014 in winkels beskikbaar wees.

Vir meer oor Dewald se musiek, sy geloof, sy bediening en sy optredes, besoek
www.dewaldgouws.co.za
https://www.facebook.com/dewaldgouwsgospel/

Learn more ...

21
Nov
1

View my Website

Piet Smit is gebore in Lydenburg, op Kersdoggend (1956), maar het in Valhalla, Pretoria grootgeword. Hy het ‘n ouer broer en ‘n jonger suster. Op 13 het hy vir die eerste keer op sy broer se kitaar begin speel, maar het nooit formele lesse gehad nie.

In 1974 matrikuleer hy aan die Hoërskool Voortrekkerhoogte, ook die jaar waarin hy in die skool se operette die hoofrol speel.
Met sy eerste salaristjek, van ‘n vakansiewerk na matriek, het hy toe sy eerste kitaar gekoop – ‘n 12 snaar Ibanez. Diensplig het vir hom bestaan uit trompet speel en vragmotors bestuur. Hy was ‘n drywer in die militêre orkes op Lenz, buite Johannesburg. Na diensplig het hy begin werk as ‘n meganiese tekenaar by ‘n Raadgewende Ingenieursmaatskappy in Pretoria.

Kort daarna is hy getroud met Elmarie en uit die huwelik is twee seuns, Johan en Leon gebore. Die begin was maar moeilik, en vir ongeveer 10 jaar het hy in Pretoria se kroeë en restaurante musiek gemaak vir ‘n ekstra inkomste. Hy het later by Krygkor begin werk waar hy opgelei is as Tegniese Skywer en Illustreerder. In 1988 het hy sy eie besigheid begin en Tegniese handleidings geskryf in die breë Elektro-Meganiese Ingenieurswese veld.

In Januarie 1989 het hy tot bekering gekom, en het die Here letterlik oornag vir hom die talent gegee om musiek te skep. Binne een jaar na sy bekering het die produksie “Man in die Middel” die lig gesien. Sederdien het hy al nege solo produksies opgeneem en ses duet-produksies saam met Danie Botha. Al die liedjies wat hy skryf word gebore uit sy eie ervarings en ondervindings saam met God. Hy poog om die gawe wat God vir hom gegee het net tot Sy eer te gebruik.

Alhoewel hy vir jare die begeerte en roeping gehad het om voltyds te sing, het hy vir jare net oor naweke opgetree. In Mei 1994 het die Here vir hom vrede gegee dat hy maar vir Hom kan gaan werk, en Hy het dit ook duidelik uit Sy Woord bevestig. Hy het toe sy besigheid summier toegemaak en staan sederdien voltyds in ‘n sangbediening en lewe totaal in geloof.

Buiten optredes in feitlik elke dorp en stad in Suid Afrika, tree Piet ook gereeld in die buiteland op. Dit sluit in optredes in Namibië, Zimbabwe, Engeland, Holland, Kanada, die VSA, Australië en Nieu Zeeland.

Piet se musiekstyl het ‘n rustige, een-kitaar-een-stem klank. Die boodskap van sy bediening is om aan die tradisionele (of gewoonte Christen) te probeer tuisbring dat daar baie meer in Christenskap opgesluit lê as om net kerk toe te gaan en betrokke te wees by kerksake. Hy wil vertel van ‘n intieme, persoonlike verhouding wat God met ons verlang, van die oorwinning wat daar vir ons is in Christus en die krag wat die Heilige Gees tot ons beskikking gestel het. Piet sê: “Dit help ook nie om net die teorie hiervan te preek nie – ons moet ons geloof prakties uitleef en ook die vrug dra wat by bekering pas. En, alhoewel ek baie val, is dit waarna ek streef. Ek wil ophou preke lewer en begin om die preke te lewe!”

Vandag sentreer sy belangstellings hoofsaaklik rondom musiek en musiekinstrumente. Beide sy seuns is kranige musikante. Op die kantlyn hou Piet homself besig met skryfwerk en die aanbied van radio- en televisieprogramme. Hy is ook ‘n ervare SCUBA duiker en gebruik elke moontlike stukkie vryetyd om te gaan “borrels blaas”.

Tot dusver het ses van Piet se albums goue status verwerf. Sy produksie “Heer U maak my nuut” het geskiedenis gemaak toe dit platinum status bereik het. Dit was die eerste Christelike album deur ‘n voltydse Afrikaanse Christelike kunstenaar in Suid Afrika wat daardie eer verwerf het.

Learn more ...

Kunstenaars

RSS Feed

Ons is ‘n kerk vir vandag en môre se mense. Eietydse, lewensgetroue en aktiewe dissipels van Jesus in en vir ons gemeenskap. Hier wil ons van vreem...

Opkomende optrede

There are no upcoming events.

View Calendar